Qeveria e Maqedonisë së Veriut sot ka mbajtur mbledhje, në të cilën ka sjellë disa vendime, si pasojë e përhapjes së coronavirusit.

Përveç ndërprerjes së procesit arsimor në çerdhe, shkolla dhe universitete për 14 ditët e ardhshme, Qeveria ka marrë edhe disa vendime tjera, të cilat mund t’i lexoni më poshtë:

– të forcohen masat dhe aktivitetet për parandalimin e përhapjes së coronavirusit
– të ndërpritet procesi edukativo-arsimor dhe mësimi në të gjitha çerdhet, shkollat e mesme dhe arsimin e lartë në 14 ditët e ardhshme. Ndërpriten gjithashtu edhe programet shtesë, siç janë kurset për gjuhë të huaja dhe të ngjashme.
– për zbatimin e kësaj mase njëri nga prindërit e fëmijëve deri 10 vjet, do të lirohet nga marrëdhënia e punës
– të ndalohen tubimet masive dhe ngjarjet në hapësira të mbyllura dhe të hapura, si dhe të gjitha manifestimet kulturore, me mbi 1000 pjesëmarrës në 14 ditët e ardhshme. Qeveria rekomandon të mos mbahen edhe tubimet me më pak se 1000 pjesëmarrës.
– të ndalohet prania e shikuesve në të gjitha ngjarjet sportive në 30 ditët e ardhshme
– të ketë vetëizolim nga të gjitha personat që vijnë nga shtetet me rrezik të lartë, në 14 ditët e ardhshme
– të ndalohet importi i pajisjeve mjekësore nga operatorët ekonomikë dhe prodhuesit e Maqedonisë së Veriut, përveç me leje të veçantë që e jep Ministria e Shëndetësisë
– të shmanget udhëtimi në vendet me rrezik të lartë
– personat e moshuar dhe të sëmurët kronik të shmangin transportin publik
– KSHZ-ja të punësuarit nga institucionet shëndetësore t’i lirojë nga pjesëmarrja në procesin zgjedhor dhe t’i zëvendësojë me persona tjerë
– personat fizik dhe juridik që nuk i respektojnë rekomandimet do të dënohen në bazë të nenit 205 dhe 206 të Kodit Penal
– të vendoset “health care” karta për të gjitha fluturimet dhe kompanitë ajrore
– të ndalohet organizimi i transportit ndërkombëtar me autobus, furgon, minibus dhe të tjera, drejt vendeve me rrezik të lartë drejt Maqedonisë së Veriut
– të forcohet prania e vullnetarëve të Kryqit të Kuq në të gjitha kalimet kufitare
– të gjitha ndërmarrjet publike dhe private të bëjnë dezinfektim të hapësirave dhe mjeteve të udhëtimit